د افغانستان طالب ځواکونو پر داعشي ترهه ګر بریدونه وکړل
د افغانستان د ننګرهار ولایت ځاي چارواکو نن سهار وختی وئيلي دي، د طالبانو امنیتي ځواکونو د دغه ولایت په درهنور ولسوالۍ کې د داعش خراسان څانګې د یوه پټنځای په معلومولو سره ورباندې برید کړی.
د تسنیم خبري اژانس د راپور له مخې، د افغانستان رسنیو ویلي، د طالبانو حکومتي امنیتي ځواکونو د ننګرهار ولایت د درهنور ولسوالۍ په «جان شیگل» سیمې کې د داعش خراسان څانګې د پټنځای په معلومولو سره په دغه ځاي عملیات کړي دي. ځاي چارواکو امید راډیو ته ویلي، په دغو عملیاتو کې د داعش څو غړي، په شمول د دغې ډلې یو قوماندان «موسی»، هلاک شوي دي.ننګرهار په تېرو کلونو کې د داعش خراسان څانګې یو اصلي مرکز دی، او طالبانو په دغه ولایت کې د دغې ترهګرې ډلې د له مینځه وړلو لپاره څو ځله عملیات کړي دي. د داعش خراسان څانګه له ۲۰۱۵ کال راهیسې په افغانستان کې فعالیت کوی او په تېرو کلونو کې، په تیره بیا د په ختیځ افغانستان او ننګرهار کې، پر عاموخلکو او امنیتي ځواکونو ئې ګڼ بریدونه کړي دي.پر افغانستان د طالبانو له واکمنۍ وروسته، د داعش د پټنځایونو او غړو د له مینځه وړلو لپاره پراخ پوځي عملیات پیل شوي، خو دا څآنګه لا هم توانېدلې چې په لویو ښارونو لکه کابل کې تیت پرک او کله ناکله مرګوني بریدونه وکړي.
