د افغانستان اقتصاد د ټرمپ له سیاستونو تاواني شوی
د بحران ډلې ویلي چې د امریکا د مرستو کموالي د افغانستان په اقتصاد ډېر فشار راوړی دی.
د بحران نړیوالې ډلې له مرسته کوونکو هیوادونو په تیره بیا له اروپايي حکومتونو غوښتي چې د افغانستان د خلکو په اقتصادي وضعیت باندې د امریکې د مرستو د بندیدو د پایلو د مخنیوي لپاره، له طالبانو سره نیغ په نیغه خبرې اترې ګړندۍ کړي.
ټرمپ د امریکې د واک له ترلاسه کولو وروسته په افغانستان باندې د دغه هیواد مرستې بندې کړې دي.
د بحران ډلې په یو رپورټ کښې ویلي چې د امریکې د مرستو د کموالي نه ستنیدو ته په پام سره، اروپايي او سیمه ایز هیوادونه باید «په عمل پاله او اصولي» کړنلارو سره، د افغانستان د اقتصاد د لاخرابیدو مخه ونیسي.
په دغه رپورټ کښې راغلي دي چې مرسته کوونکي هیوادونه باید د افغانستان د اقتصاد د راژوندي کولو او د بنیادي خدماتو د ساتنې په لړ کښې خبرواترو ته کښیني او په عین حال کښې د افغانستان په اقتصادي مبادلاتو باندې موجود قانوني محدودیتونه کم کړي.
د دغه سازمان په وینا، دا ډول اقدامات کوې شي د زرهاو کسانو ژوند وژغوري او ګاونډي هیوادونو ته د افغانستان د کړکیچ د غزیدو مخه ونیسي.
د بحران نړیوالې ډلې له چین څخه هم غوښتي دي چې د طالبانو او پاکستان ترمینځ د مینځګړي رول پیاوړی کړي، تجارتي ټیرفونه کم کړي او د افغانستان په معدنونو او انرجۍ کښې پراختیايي پروژې زیاتې کړي.
#افغانستان
#طالبان
