کرزي د افغان نجونو لپاره د تعلیمي بورسونو هرکلی وکړ
د افغانستان پخواني ولسمشر حامد کرزي د یوه قطري بنسټ (زده کړې له هر څه وړاندې) له لوري افغان نجونو ته د لوړو زدهکړو د بورسونو د برابرولو ستاینه کړې ده.
د افغانستان پخواني ولسمشر حامد کرزي د یوه قطري بنسټ (زده کړې له هر څه وړاندې) له لوري افغان نجونو ته د لوړو زدهکړو د بورسونو د برابرولو ستاینه کړې ده.
کرزي په یوه بیانیه کې ویلي چې د دې پروګرام له لارې ۷۴ افغان نجونې د امریکا د متحدوایالتونو له بېلابېلو پوهنتونونو فارغې شوې دي.
نوموړي فارغو شویو نجونو ته مبارکي ورکړې او ویلي یې دي چې د دوی بریا نه یوازې د محصلانو لپاره، بلکې د افغانستان د راتلونکې لپاره هم یو مهم پرمختګ دی.
کرزي د افغان ښځو او نجونو لپاره د زدهکړو د فرصتونو پر دوام ټینګار کړی او زدهکړې یې د هېواد د پرمختګ او سوکالۍ بنسټیزه اړتیا بللې ده.
هغه همداراز د لوستو او مسلکي کسانو لپاره د کاري فرصتونو د برابرولو غوښتنه کړې او ټینګار یې کړی چې د نجونو پر مخ باید ښوونځي او پوهنتونونه بېرته پرانیستل شي، څو خپلې زدهکړې په هېواد دننه هم دوام ورکړي.
