افغانستان له پاکستان سره په خبرو ټینګار وکړ
-
پاکستان په خپله خاوره کښې د ترهګرۍ پرضد د عملي اقداماتو لپاره زیات وخت ته اړتیا لري .
تسنیم خبری اژانس وایی د افغانستان د ملی وحدت حکومت د اجرایی شورا د مشر د ویندوی مرستیال جاوید فیصل د پاکستان او د افغانستان ترمینځ د رامینځته شویو تاوتریخوالو او اختلافاتو دحل لپاره له اسلام اباد سره د خبرو په دوام ټینګار وکړ .
هغه پرون وویل که څه هم دافغانستان حکومت په نږدې راتلونکی کښې د ترهګرۍ پرضد د پاکستان د حکومت عملی اقدام ته کومه هیله نلری خو د اسلام اباد له حکومت سره به خبرو ته دوام ورکړی .
د افغانستان د ملی یووالی د حکومت د اجرایی مشر د ویندوی مرستیال جاوید فیصل زیاته کړه پاکستان په خپله خاوره کښې د ترهګرۍ پرضد د عملی اقداماتو لپاره زیات وخت ته اړتیا لری .
دافغانستان ډیپلوماټیک پلاوی چې په تیرې جمعې ورځ د باندنیو چارو د وزیر د مرستیال حکمت خلیل کرزی په مشرۍ اسلام اباد ته تللی وو په شنبې ورځ د پاکستان دحکومت له استازیو سره خپلې خبرې له کوم پرمختګ ترلاسه کیدا پرته پاې ته ورسولې .
دافغانستان دبهرنیو چارو وزارت د پاکستان له استازیو سره د شنبې ورځې دخبرو له ختمیدا وروسته وویل دغو خبرو اترو له ترهګرۍ سره د مبارزې ، د تاوتریخوالی دکمیدا او په هیواد کښې د صلحې او دپخلاینې د زیاتیدا په اړه هیڅ پرمختګ نه درلود .
