امریکا دافغانستان د جنګ د دوام غوښتونکی ده

د افغانستان د سیاسی چارو کارپیژاند محمد اکبر وردک له تهران راډیو پښتو خپرونې سره په مرکه کښې وویل امریکا په بیلابیلو پلانونو سره په افغانستان کښې جنګ ته د دوام د ورکولو کوشش کوی .

هغه  خبرو اترو ته د طالبانو ډلې د قانع کولو لپاره په سعودی عربستان کښې د ځینو اسلامی هیوادونو د علماو د وروستۍ غونډې ترسره کیدا او له طالبانو سره له خبرو دامریکا د هدفونو په اړه وویل امریکا دې نتیجې ته رسیدلی ده چې نور دطالبانو  رول پاې ته رسیدلی دی پردې اساس له دغه ډلې سره د خبرو اترو امکان زیات  دی خو ددې ترڅنګ امریکا له مخکې څخه داعش ډله افغانستان ته وروستلی ده او هغه یې پیاوړی کړی هم ده .

په افغانستان کښې دداعش ډلې غړو ته پوځی روزنه په خپله دامریکا عسکر ورکوی .

دافغانستان دغه سیاسی کارپیژاند اکبر وردک وویل دا په افغانستان کښې د جنګ دوهم (۲)پړاو دی یعنی بیا هم د سولې خبرې بې ګټې دی او جنګ به په یوه(۱) بله بڼه په افغانستان کښې دوام ولری .

هغه په دې خبرې ټینګار سره چې امریکا په افغانستان کښې د جنګ دختمولو اراده نلری وویل واشنګټن دداعش ترهګرې ډلې دپروګرام د ماتی په بڼه کښې حتما ځای ناستی پروګرام لری چې په سیمه کښې کړکیچ رامینځته کړی