په غزني ولایت کښې دې پارلیماني انتخابات وځنډول شي
د افغانستان د انتخاباتو کمیشن وړاندیز وکړ چې د دغه هیواد د ختیځ په غزني ولایت کښې د ناامنۍ په وجه د پارلیماني انتخاباتو ترسره کیدل دې وځنډول شي.
د تسنیم خبري آژانس د خبر له مخې د افغانستان د انتخاباتو د کمیشن غړو نن وویل: په غزني ولایت کښې د خرابو امنیتي حالاتو او ځینو نورو ستونزو په وجه د پارلیماني انتخاباتو د ترسره کیدو امکان نشته.
دا په داسې حال کښې دي چې تیره میاشت د انتخاباتو خپلواک کمیشن په غزني ولایت کښې د انتخاباتو مهال ویش اعلان کړی و.
د دغه مهال ویش له مخې د رایه ورکونکو نوم لیکنه په مرکز، ولسوالیو او کلیو کښې هممهاله له تیرې شنبې څخه د شلو ورځو په موده ترسره کیږي.
خو په تیرو څو ورځو کښې د غزني ولایت په مختلفو سیمو کښې د طالبانو او د افغانستان د امنیتي ځواکونو ترمینځ سختې نښتې وشوې چې پکښې سلګونه کسان مړه او ژوبل شوي دي.
د دغه ولایت یوه برخه د طالب ډلې په واک کښې ده.
د افغانستان د ولسي جرګې او ولایتي شوراګانو انتخابات ټاکل شوې له درې کاله ځنډ وروسته د روان ۲۰۱۸ کال د اکتوبر په شلمه نیټه ترسره شي.
