په کابل کښې د دوو چاودنو مخه ونیوې شوه
د افغانستان په پلازمېنه کابل کښې امنيتي چارواكي وايي، چې په دغه ښار او قره باغ ولسوالۍ كښې يې پرون د دوو چاودنو مخه نيولې ده.
د افغانستان د جنایي جرمونو په وړاندې د مبارزې ریاست چارواکي وایي، یو ریموټ کنټرول ماین چې د کابل ښار د دهمزګ اړوند پارک شهر ته څېرمه ځای پر ځای شوے و، د امنیتي ځواکونو د ګزمې لخوا کشف او شنډ شو.
د یو بل خبر له مخې، یو ریموټ کنټرول ماین چې د کابل ولایت د قره باغ ولسوالی په ښاروالي مارکیټ او د امنیې قوماندانۍ ودانۍ ته څېرمه ځای ځای پر شوے ؤ، پرون د امنیتي ځواکونو له خوا کشف او شنډ شو.
د طالب ډلې په شمول د افغان حکومت مخالفو وسله والو ډلو تر اوسه په دې اړه څه نه دي ویلي.
د یادونې وړ ده چې د افغان حکومت مخالفې وسله والې ډلې هڅې کوي چې د هېواد په مهمو ښارونو او ولایتونو کې خپلو بریدونو ته زور ورکړي.تېره ورځ هم د کابل ښار په ختېځ کې د ټاکنو کمېشن دفتر ته څېرمه د ځانمرګي برید په نتیجه کښې يو پوليس ووژل شو او يو بل هم ژوبل شو.
