دافغانستان ډیر خلک اوربند غواړی او سولې ته هیله لری

زمونږخبریال وایی د یوې تازه سروې پایلې ښیی چې دافغانستان له هرو لسو ښاریزو نهه (9) د اوربند غوښتونکی دی او اته(8) نور د دې تر څنګ چې د سولې ټینګښت ته هیله من دی، د حکومت له لوری د سولې د ټینګښت پر ژمنې باور لری او په دې تړاو ترسره شوی اقدامات مهم ګڼی.

دغه سروې د اروپایی اتحادیې په مالی مرسته د افغانستان د ښځو د  شبکې او  دصلاح کنسرسیوم له خوا د روان کال  په  چنګاښ او زمری میاشتو کې د هېواد په ۳۴ ولایتونو کې له ۴۷۲۵ کسانو سره د مرکو له لارې شوې ده.

د دې سروې پایلې پرون  په   کابل کې د یوې غونډې پرمهال اعلان شوې.

د سروې موندنې ښیی چې په ټول کښې ۸۲ فیصده خلک (۴۶٪ ډېر او ۳۶٪ کم) په هېواد کې د سولې پر ټینګښت باور لری او په دې برخه کې د ښځو فیصدی  د نرانو په پرتله درې () فیصده  کمه ده.

دسروې دپایلو پراساس په سلو کښې اته څلویښت(۴۸) فیصده خلک د سولې په اړه دناټو او دنړیوالې ټولنې په ژمنو باور لری خو دوه پنځوس(۵۲) فیصده نور خلک بیا باور نلری .

دغه پایلې څرګندوی چې د مرکه شوو نیمایی  باور لری چې طالبان سوله کوی خو نیمایی نور په دې برخه کې پر طالبانو باور نه لری.