له افغان ولسمشر سره د سياسي ګوندونو غونډه بې نتيجې ختمه شوه
د انتخاباتي اختلافاتو د هواري لپاره د سياسي ګوندونو له استازيو سره د افغان ولسمشر غونډه بې نتيجې ختمه شوه.
د تسنيم خبري اژانس د رپوټ له مخې اشرف غني بېګا د کابل په ارګ ماڼۍ کښې په دغه غونډه کښې د سياسي ګوندونو له اوو تنو سر د انتخاباتي اختلافاتو د هواري لپاهر خبرې اترې وکړې خو خبري سرچينو د دغو ګوندونو د نمائندګانو له قوله وويل، دغې غونډې څه نتيجه ونه لري او ولسمشر د هغوي د غوښتنو پوره کولو لپاره زمينه رامنځته نه کړې شوه.
د افغانستان د جبهه نوين ملي ګوند مشر انوارالحق احدي وويل: د رايو د اخېستې د سېسټم بدلول او په انتخاباتو کښې له بايو مېټرېک سېسټم څخه استفاده کول د سياسي ګوندونو يوه سره کرښه ده.
د افغانستان سياسي ګوندونو تېره مياشت په يوه ګډه غونډه کښې افغان حکومت او د انتخاباتو کمېشن د پارلېماني انتخاباتو د انجنيئرۍ لپاره په کوشش تورن کړل.
دا په داسې حال کښې دي چې په انتخاباتي نظام کښې د اصلاحاتو د راوستلو لپاره افغان حکومت ته د سياسي ګوندونو ورکړے شوے پينځلس ورځنے مهلت ختم شوے دے او ټاکلې شوې وه چې دوه ورځې مخکې به د ګوندونو احتجاج شروع شي خو د ځينو دلائلو په وجه وځندولې شو.
د انتخاباتو جوړولو د څه رنګوالي په باره کښې د اختلافاتو دوام د راتلونکي اکتوبر د مياشتې د پارلېماني انتخاباتو په اړه اندېښنې رابرسېره کړي دي.
د افغانستان د ازادو او عادلانه انتخاباتو د فاونډېشن مشر يوسف رشيد وويل: د داسې حالت دوام راروانو انتخاباتو ته زيان رسولې شي.
