له بایومیټرک بهیره بهر ثبت شوې راې بې اعتباره دي
د افغانستان د انتخاباتو د شکایتونو کمیشن وویل چې د دغه هیواد د ولسي جرګې د انتخاباتو هغه راې چې د بایومیټرک ټیکنالوجۍ له کارولو پرته ثبت شوې دي، اعتبار نه لري.
د تسنیم خبري آژانس د خبر له مخې د افغانستان د انتخاباتو د شکایتونو کمیشن نن د یوې خبرپاڼې په صادرولو سره له درغلیزو رایو د معتبرو رایو د بیلولو لپاره اوه ګوني میعارونه اعلان کړي چې ترټولو مهم معیار پکښې، په رایه پاڼو باندې د بایومیټرک بارکوډ شتون دی.
په دې اساس، کومې راې چې د بایو میټرک سیسټم له کارولو پرته صندقونو ته اچول شوې دي، نامعتبرې ګڼل کیږي.
د افغانستان د انتخاباتو د کمیشن لخوا د وړاندې شویو احصائیو له مخې د رایه ورکونو په کابو ۲۰ فیصده مرکزونو کښې ټاکنې د بایو میټرک ټیکنالوجۍ له کارولو پرته ترسره شوې دي.
د افغانستان سیاسي ګوندونو په ځلونو ټینګار کړی چې که د انتخاباتو کمیشن دغه راې باطلې اعلان نه کړي نو دوي به د ولسي جرګې د انتخاباتو پایلې او نتایج ونه مني.
