حنیف اتمر هم د راتلونکو ولسمشریزو ټاکنو کاندید شو

د افغانستان د ملي امنیت پخواني سلاکار محمد حنیف اتمر د دغه هیواد د ولسمشریزو انتخاباتو د کاندید په توګه نوم ولیکه.

د آوا خبري آژانس د خبر له مخې محمد حنیف اتمر پرون د افغانستان د انتخاباتو خپلواک کمیشن ته په ورتګ سره د راتلونکو ولسمشریزو انتخاباتو د کاندید په توګه نوم لیکنه وکړه.

محمد حنیف اتمر د دغو انتخاباتو لپاره محمد یونس قانوني او محمد محقق د خپلو مرستیالانو په توګه غوره کړي دي.