د افغانستان د ولسمشریزو انتخاباتو د کاندیدانو نوملړ بشپړ شو
د افغانستان د انتخاباتي شکایتونو کمیشن په روان ۲۰۱۹ کال کښې د دغه هیواد د ولسمشریزو ټاکنو د کاندیدانو د لیسټ د فاینل کیدو خبر ورکړ.
تسنیم خبري آژانس لیکلي، د افغانستان د انتخاباتي شکایتونو کمیشن وویل چې د دغه هیواد د راتلونکو ولسمشریزو انتخاباتو د کاندیدانو لیسټ یې فاینل کړی او د انتخاباتو کمیشن ته یې لیږلی دی.
دغه کمشن وايي، د ولسمشرۍ د انتخاباتو له هیڅ کوم کاندیده شکایت نه دی شوی او اتلس واړه کاندیدان په وروستي او فاینل لسټ کښې شامل دي.
د افغانستان د انتخاباتي شکایتونو د کمیشن منشي محمد قاسم الیاسي څرګنده کړه: د ولسمشریزو انتخاباتو د کاندیدانو دوسیې له قانوي او حقوقي نظره وجاجول شوې او دغه ټول کاندیدان په شرایطو پوره وختل.
«اشرف غنی»، «عبدالله عبدالله»، «حنیف اتمر»، «رحمتالله نبیل»، «احمدولی مسعود»،«لطیف پدرام»،«غلامفاروق جیلانی»، «گلبدین حکمتیار»، «عبدالحکیم تورسن»، «سیدنورالله جلیلی»، «عنایتالله حفیظ»، «زلمی رسول»، «نورالحق علومی»، «شهاب حکیمی»، «فرامرز تمنا»، «ابراهیم الکوزی»، «نورالرحمان لیوال» او «شیدامحمد ابدالی» د افغانستان د راتلونکو ولسمشریزو ټاکنو کاندیدان دي.
