د افغانستان په دریو ولایتونو کښې طالبانو ته درنه مرګ ژوبله اوښتې
May 28, 2019 14:34 Asia/Kabul
د افغانستان ملي اردو په فاریاب، سرپل او بلخ ولایتونو کښې په کړو بریدونو کښې د طالب وسله والو د درنو تلفاتو خبر ورکړ.
د افغانستان پوځ نن په یوه خبرپاڼه کښې ویلي چې په تیرو ۲۴ ساعتونو کښې د فاریاب ولایت په خواجه سبز پوش ولسوالۍ، د بلخ ولایت په سوزمه قلعه ولسوالۍ او هم داشان په سرپل ولایت کښې د طالب وسله والو د مرکزونو خلاف د پوځي ځواکونو په هوايي حملو کښې هم داشان لسګونه طالبان وژل شوي دي.
ویل کیږي چې په وژل شویو کښې د طالبانو یو قومندان هم شامل دی.
د افغانستان د پوځ په خبرپاڼه کښې راغلي دي چې په دغو بریدونو کښې د افغانستان څلور تنه امنیتي ځواکونه هم وژل شوي او یوشمیر نور زخمي شوي دي.
ټیګونه
