په کابل کښې د پاکستان په سفارت د احتجاج کونکو حمله

پاکستاني رسنيو په کابل کښې د پاکستان د سفارت په ودانۍ د احتجاج کونکو د حملې خبر ورکړ.

له اسلام آباده زمونږ د  خبريال د رپوټ له مخې په کابل کښې د پاکستان د وېزې د اخېستلو ځينو تقاضا کونکو په کابل کښې د پاکستان سفارت ته تلونکې لارې وتړلې چې د افغان امنيتي ځواکونو له مداخلته وروسته دغه کسان تيت پرک شول.

په کابل کښې د پاکستان سفارت د افغان ښاريزو لپاره هره ورځ له دوو زرو زياتې وېزې صادروي.