کابل کښې زوروره چاودونه شوې

یوې درنې چاودنې بیګا د افغانستان پلازمینه کابل ښار ولړزوه.

د افغانستان د کورنیو چارو د وزارت ویاند نصرت رحیمي وویل چې د کابل ښار په نهمه حوزه کښې تیره شپه یوه سخته چاودنه شوې ده.

په عین حال کښې د افغانستان د داخله وزارت مطبوعاتي سلاکار بهار مهر وویل چې دا یوه کار بم چاودنه وه او د چاودنې له ځایه د ډزو غږونه هم اوریدل شوې دي.

د دغې چاودنې د احتمالي مرګ ژوبلې یا مالي تاوان په هکله تراوسه کوم رپورټ نه دی رارسیدلی او هیڅ کومې ډلې یې پړه هم نه ده منلې.