په افغانستان کښې ۱۰۰۰ طالبان وژل شوی دی

زمونږ خبریال وایی دافغانستان ولسمشر اشرف غنی پرون په کابل کښې په یوې(۱) غونډې کښې وویل په تیرو اوو (۷) ورځو او په قطر کښې د امریکا او دطالبانو ډلې ترمینځ د خبرواترو له بندیدا وروسته د هیواد په بیلابیلو سیمو کښې دحکومتی عسکرو په عملیاتو کښې د طالبانو زر (۱۰۰۰) کسان وژل شوی او ددغو طالبانو د وژل کیدا مسول ددغه ډلې سیاسی مشران دی .

اشرف غنی وویل دافغانستان پوځیان  همدا اوس د طالبانو ډلې او دترهګرو پرضد خپلواکه عملیات ترسره کوی او اته نوی (۹۸) فیصده عملیات د بهرنیو عسکرو له ګډون پرته کوی .

له بلې خوا په قطر کښې دطالبانو ډلې دسیاسی دفتر ویاند سهیل شاهین په خپل نوی پیغام کښې وویل طالبان د« بین الافغانی» خبرو اترو د له سره پیلولو لپاره چمتو دی په دې شرط چې لومړۍ دافغانستان د نیواک مسله حل شی .