فاریاب ولایت کښې د پولیسو یو قومندان وژل شوی دی

د افغانستان د فاریاب ولایت د پولیسو یو قومندان د طالب وسله والو په حمله کښې وژل شوی دی.

آوا خبري آژانس خبر ورکړی چې د افغانستان د بلخ ولایت د پولیسو ویاند وویل: د فاریاب د پولیسو د (خاصې قطعې) قومندان محمد خان چې په دې وروستیو کښې د خپل پلار د جنازې لپاره د بلخ شولګرې ولسوالۍ ته تلی و، وړمه شپه چې د خپلې خور په کور کښې میلمه و، سره د خپل یو ملګري د طالبانو په حمله کښې ووژل شو.

عادل شاه عادل وویل چې په دې حمله کښې طالبانو د فاریاب د پولیسو د دغه قومندان یو بل ساتونکی هم نیولی دی.