په افغانستان کې یو شمیرپوځيان او طالب کمانډران وژل شوي
خو د افغانستان د طالبانو ډلې یوه ویندوي ذبیح ا... مجاهد هم د یوې اعلامیې په خپرولو سره ددغې حملې پړه په غاړه اخستې او وئيلي ئې دي ، په دغې حملې کې ۳۵ افغان پوځيان وژل شوي او څلور نور ئې روغ نیولي دي .
زمونږخبریال راپور راکړ د افغانستان په شمال کې د کندوز د ولایتي شورا مرستیال صفی ا... امیري نن په په یولړ څرګندونو کې وئيلي دي ، وسلوالو طالبانو د کندوز په دشت ارچي ولسوالۍ کې د افغان پوځيانو پر پستې برید کړی ، چې له امله ئې دولس عسکر او یو پولیس وژل شوي دي .
په دغې حملې کې چې د نښتې لامل شوي ، اته پوځيان او څلور پولیس ټپیان شوي هم دي .
د افغانستان د طالبانو ډلې یوه ویندوي ذبیح ا... مجاهد هم د یوې اعلامیې په خپرولو سره ددغې حملې پړه په غاړه اخستې او وئيلي ئې دي ، په دغې حملې کې ۳۵ افغان پوځيان وژل شوي او څلور نور ئې روغ نیولي دي .
له دې سره په یووخت د افغانستان د هرات د والی ویندوي جیلاني فرهاد هم وئيلي دي دهرات ولایت په زاول ولسوالۍ کې د طالبانو په مورچلو په هوائي بمباریو کې د طا لبانو دوه مهم کمانډران سره د یوشمیر وسلوالو وژل شوي او د هغوي وسلې او تجهیزات هم تباه کړائ شوي دي .
دا په داسې حال کې دي چې په همداوروستیو کې د افغانستان په بیلابیلو سیمو کې د وسلوالو طالبانو او افغان ځواکونو ترمینځ وسلوالې نښتې او اخ و ډب په اوڅاره توګه زیات شوی دی .