د بین ا لافغاني خبرواترو په باب د روسیې دریځ

په دې باب دضمیرکابلوف څرګندونې چې د بین الافغاني خبرواترو پیلیدا ، د امریکا او طالبانو ترمینځ دسولې د موافقې لاسلیک کیدا ته اړتیا لري ، دا معنا لري ، تر څو چې دغه ډله له افغانستانه د بهرنیو عسکرو تر بشپړ وتلو په باب ډاډمنه نشي ،نو د افغانستان له حکومت او په دغه هیواد کې د سولې پر ټينګیداد اغیز شیندونکو ډلو سره دخبرواترو پیلولو ته تیاره نه ده .

د افغانستان په چارو کې د روسیې ځانګړي استازي له امریکا سره د طالبانوډلې د سولې د موافقې لاسلیک کیدا  د بین الافغاني خبرواترو  د پيلیدا  وارمخکې شرط وبالۀ.

 د  افغانستان په چارو کې د  روسیې د ولسمشر ځانګړي استازي او د دغه هیواد د خارجه وزارت  دآسیائي برخې مسئول  ضمیرکابلوف  د بین الافغاني خبرواترو د پيلیدا په باب وئيلي دي ، د طالبانو دل یدتوګې په اساس،  دغه ډله  به  له امریکا سره د روغې  جوړې  دموافقې له لاسلیک کولو وروسته  د افغانستان د حکومت پشمول  له نورو ډلو ټپلو سره د مستقیمو او هراړخیزو بین الافغاني خبرواترو  لپاره تیاره شي .

 د روسیې دغه لوړپوړي ډيپلوماټ وئيلی دي د خبرواترو په وخت کې د  طالبانو او افغان حکومت ترمینځ د موقته اوربند  احتمال هم مطرح شوی ، خو  تر دې د مه مشخصه نه ده ، اړونده موافقه به په کوم شکل سره د منلو وړ شي .

کابلوف روښانه کړې ده ، د موقته او یا دایمی ا ور بند یا د تاؤتریخوالو د کمولو موضوع  له  امریکا سره له خبرو اترو ورتیر ، پخپله د افغانانو ترمینځ د خبرواترو یو مورد دی .

 په دې باب دضمیرکابلوف څرګندونې چې  د بین الافغاني  خبرواترو پیلیدا ، د امریکا او طالبانو ترمینځ  دسولې د موافقې  لاسلیک کیدا ته اړتیا لري ،  دا معنا لري ، تر څو چې  دغه ډله  له افغانستانه د بهرنیو عسکرو تر بشپړ وتلو په باب ډاډمنه  نشي ،نو  د افغانستان له حکومت او په دغه هیواد کې د سولې پر ټينګیداد اغیز شیندونکو ډلو  سره  دخبرواترو پیلولو ته تیاره نه ده .

  د طالبانو ډلې له نظره ، په افغانستان کې د جنګ او تاؤتریخوالي پاي ، له دغه هیواده د  امریکا او ناټو ځواک بشپړ وتلو سره غوټه خوړلې ده  او باید له دې مخکې چې  د کابل له حکومت سره  د جنګ د ختمولو او دسولې د ټينګیدا په باب   د خبرواترو میز ته کیني ، باید له امریکا سره د ا فغانستان د نیواک د پاي په زمینې کې کومه موافقه وشي .

 سره له دې چې  طالبان، امریکا  په افغانستان کې د سولې  له ټينګیدو او  دجنګ  له ختمیدو سره  د اړونده خبرواترو  لپاهر  خپل اصلی لوری ګڼي ، خو دغه ډله  په هرډول دوه اړخیزې احتمالي  موافقې کې د سپينې ماڼۍ د ژمنتیاؤ  د اجرائي کیدا په باب  هم ډير شکونه لري ا و په همدې دلیل ده چې   په تیرو میاشتو کې  د طالبانو له خوا په افغانستان کې د سولې  د ټينګونکو ضامنو هیوادونو  موضوع مطرح کړې ده .

په قطر کې د طالبانو دسیاسی  دفتر ویندوي  م حمد سهیل شاهین  له تاس خبری آژانس سره په خبرو کې  وئيلي دي ، دغه ډله   تمه لري ، روسیه اوچین  له امریکا سره د سولې د هرډول  موافقې  د ضامن په توګه   رول ولوبوي  .

له امریکا سره د سولې د  هرډول موافقې  د ضامن په توګه له بیجینګ او ماسکو څخه د طالبانو تمه ددې ښودنه کوي ، چې دغه ډله  په افغانستان کې د سولې د ټينګیدا لپاره  دموافقې په باب ددغه هیواد د ژمنتیاؤ په خلاف ورزۍ اندیښمنه ده .

 دغه ګمان هم مطرح دی ، چې  په قطر کې د امریکا او طالبانو ډلې ترمینځ  د خبرواترو د یولسو پړاؤنو ناکامۍ  هم  په دوو اړخیزو یا څو اړخیزو سیمه ایزو او نړیوالو  موافقو په ډګر کې د سپينې ماڼۍد بدعهدیو له امله دي ، ځکه طالبان په دې اندیښمن دي ، چې  په افغانستان کې د نښتو او جنګ جګړو په درولو سره  امریکا ددغه هیواد نیواک پاي نه  ونه رسوي .

البته باید پام ولرل شي ، چې د افغانستان د سولې په موضوع کې د  چین اوروسیې  په وسیله  دضامن د رول د لوبولو په باب  د طالبانو  د خوښې وړ لارې چارې ، له افغانستانه د امریکائي ترهه ګرو پوځيانو د بشپړ وتلو لپاره کوم ضمانت نشي کیدلی .

  د افغانستان له حکومت  سره دخبرو اترو د نه کولو  او همداراز  په دغه هیواد کې د جنګ د ختمولو د اصلي لوري په توګه  دامریکا د ځايګي  په باب د طالبانو دریځونو ته په پام سره ، هماغه ډول چې  د افغانستان په چارو کې د روسیې ځانګړي استازي  وئيلي دي ،بین الافغاني خبرې اترې  به هاله ترسره شي ، چې طالبان او امریکاد نښتو اوشخړو دختمولو لپاره  سره کومې موافقې ته ورسیږي .