د کورونا په وجه د افغانستان د ولسي جرګې تعطيلي
د افغانستان د ولسي جرګې مشر د کورونا وائرسو له امله د دغه هېواد د ولسي جرګې د تعطيلېدو خبر ورکړ.
د تسنيم خبري آژانس د رپوټ له مخې د افغانستان د ولسي جرګې مشر مير رحمان رحماني نن چې د دغه هېواد د ولسي جرګې د تعطيلېدو بحث مطرح کړے ؤ د کورونا وائرسو د پراختيا په وجه د جرګې د دوه اونيز تعطيل موضوع رائې ته وړاندې کړه.
په دغه ناسته کښې د جرګې له دوه نيم سوو غړيو څخه يوازې پينځه شپېتۀ تنو شتون لرۀ ، خو رحماني وويل چې په دې اړه فېصلې کولو لپاره د غړيو د نصاب حد ته ضرورت نشته او د جرګې د دوه اونيز تعطيلېدو لپاره فېصله به د حاضرو کسانو د اکثريت رايو په بنياد اوشي.
هغه زياته کړه، د افغانستان د روغتيا د وزارت د سپارښتنو او خبرداريو له مخه د حالاتو تر ښۀ کېدو پورې ولسي جرګه بايد تعطيل شي.
د افغانستان د روغتيا وزارت له دې مخکښې هم د دغه هېواد د ولسي جرګې د تعطيلېدو موضوع مطرح کړې وه خو يو شمېر استازيو ورسره مخالفت وکړ او وې ويل چې په اوسنيو حالاتو کښې جرګه پکار دے د افغان ملت ترڅنګه وي او بايد تعطيل نه شي.
