افغانستان کښې په کرونا د ککړو کسانو شمیر زیات شوی
May 26, 2020 03:03 Asia/Kabul
د افغانستان روغتیا وزارت وویل چې په دغه هیواد کښې په کورونا وایرس د اخته کسانو شمیر ۱۱ زره او ۱۷۳ کسانو ته رسیدلې دی.
د افغانستان روغتیا وزارت په تیرو ۲۴ ساعتونو کښې په دغه هیواد کښې په کورونا باندې د ۵۹۱ نویو کسانو د ککړیدو خبر ورکړ چې ورسره په دغه هیواد کښې د کرونا د ناروغانو ټول شمیر ۱۱ زره او ۱۷۳ تنو ته رسیدلې دی.
په تیر شواروز کښې هم داشان په هرات ولایت کښې یو تن د کرونا له امله وفات شوی چې اوس په ټول افغانستان کښې د کورونا له امله د مړو شمیر ۲۱۹ ته ورسید.
د افغانستان روغتیا وزارت هم داشان ویلي چې په هیواد کښې د کرونا ۱ زر او ۱۰۰ ناروغان هم ښه شوې دي.
په عین حال کښې د ننګرهار والي شاه محمود میاخیل په کرونا وایرس د خپلې ککړتیا په تاییدولو سره له خلکو وغوښتل چې دغه ناروغي جدي واخلي.
ټیګونه
