هسپانوي پوځیان له افغانستان او عراقه وځي
د هسپانیا دفاع وزارت د افغانستاني او عراقي ځواکونو په روزنه کښې د خپل ماموریت د پاې په اعلانولو سره له دغو دواړو هیوادونو څخه د خپلو پوځیانو د ستنولو خبر ورکړ.
د هسپانیا دفاع وزارت پرون وویل چې د جولایۍ میاشتې تر پاې پورې به خپل وروستي پوځيان د عراق په بسمایا کښې له (ګرن کیټن) نومې سټراټیجکې اډې څخه هیواد ته ستانه کړي.
د ویلو ده چې د کرونا وایرس له خپریدو تر مخکښې پورې په دغه اډه کښې ۳۵۰ هسپانوي پوځیان دیره وو.
له بسمایا اډې د دغو پوځیانو په وتلو سره به په عراق کښې د هسپانیا د ځمکني ځواک ۸۰ عسکر پاتې شي چې د بغداد په دیرش کیلومیټرۍ کښې په تاجي نومې قرارګاه کښې دیره دي
دغه پوځي ارګان هم داشان د روان ۲۰۲۰ کال تر پاې یا د ۲۰۲۱ کال تر وړومبیو پورې له افغانستان څخه هم د وروستیو هسپانوي پوځیانو د ایستلو خبر ورکړ.
په افغانستان کښې د ناټو د ماموریت په لړ کښې د هسپانیايي پوځیانو د شتون هم تقریباً ۱۹ کاله پوره کیږي.
