ډاکټر عبدالله د ترکیې له سفیر سره ولیدل

د ملي مصالحې عالي شورا رییس افغانستان لپاره د ترکیې له سفیر سره ولیدل.

د ملي مصالحې عالي شورا رییس ډاکټر عبدالله عبداالله پرون وروسته له غرمې افغانستان لپاره د ترکیې سفیر اوزان ارطغرل سره په خپل کاري دفتر سپېدار ماڼۍ کې وکتل.

یاده شورا وايي، پدې لیدنه کې دواړولورو د سولې په هڅو، د بندیانو په خوشې کېدو او د بین الافغاني خبرو په پیل بحث او خبرې وکړې.

د ملي مصالحې عالي شورا رییس وویل، د بین الافغاني خبرو د پیل لپاره هڅې روانې دي.

د ترکیې سفیر په افغانستان کې د سولې په برخه کې د لاسته راوړنو د هرکلي ترڅنګ په افغانستان کې د سولې له پروسې د خپل هېواد ملاتړ اعلان کړ.