طالبانو د بین الافغاني خبرو ترسره کیدل رد کړل
ایرنا خبري اژانس وايي په قطر کښې د طالبانو د سیاسي دفتر غړي شیر محمد ستانکزي وویل دغه ډله په راتلونکي اونۍ کښې د بین الافغاني خبرو اترو لپاره هیڅ پروګرام نلري.
په قطر کښې د طالبانو د سیاسي دفتر ویاند سهیل شاهین هم رسنیو ته په یوه (۱) پیغام کښې وویل تر هغه وخته چې د دغه ډلې بندیان له زندانونو خوشي نه شي بین الافغاني خبرې اترې به پیل نشي .
د افغانستان د ملي روغې جوړې د لوړې شورا مشر عبدالله عبدالله هم وړمه ورځ پروان ولایت ته په سفر کښې د چاریکار ښار له سیلاب ځپلیو خلکو سره په کتنې کښې ویلي وو راتلونکي اونۍ یعني د سپتمبر د میاشتې په لومړیو کښې به بین الافغاني خبرې پیل شي .
په افغانستان کښې د تاوتریخوالو کمول ، د حکومت او د طالبانو د بندیانو خوشي کول او له دغه هیواد څخه د امریکا د عسکرو وتل په قطر کښې د طالبانو او د امریکا د ماتي خوړلي سولې د موافقې مهمې برخې دي .
