د لغمان هوايي برید ۲۸ طالبانو ته مرګ ژوبله اړولې
له بلې خوا افغان امنیتی عسکر وایی چی د کندهار په شاه ولی کوټ ولسوالۍ یې د طالبانو حمله ناکامه کړی ده .
دافغان رسندویو له راپور سره سم د افغانستان د لغمان چارواکي وايي، د افغان پوځ هلیکوپټرو په الشینګ ولسوالۍ کې پر طالبانو بمبار کړی چې په وینا یې شل طالبان پکې وژل شوي دي.
د یاد ولایت چارواکي وايي، په وژل شویو وسله الو کې پنځه یې د لېزري وسلو درلودونکي وو.
د والي ویاند اسد ا... دولتزي رسنیو ته وویل چې طالبانو بیګا د الیشنګ ولسوالۍ په جیبون سیمه کې د ځای پولیسو پر پوستو برید وکړ چې لږ وروسته د افغان پوځ هیلی کوپټرې ورسېدې او بمبار یې وکړ.
نوموړی وايي: ۲۰ وسله وال طالبان وژل شوي او ۸ نور سخت ټپیان شوي.
د هغه په وینا چې په وژل شویو کې ۵ تنه یې د لیزري سلاح درلودونکي هم دي.
یوې حکومتي سرچینې بیا رسنیو ته وویل چې دغه جنګ کې یو پولیس هم وژل شوی او دوه نور ټپیان دي.
د سیمې یواوسېدونکی وايي، د ځینو وسله والومړي لا هم په سیمه کې پاتې دي.
تر اوسه طالبانو په دې اړه څه نه دي ویلي.
له بلې خوا افغان امنیتی عسکر وایی چی د کندهار په شاه ولی کوټ ولسوالۍ یې د طالبانو حمله ناکامه کړی ده .
د افغانستان دفاع وزارت وایی په دغه ناکامه حمله کې لس طالبان وژل شوی دي .
