ملګرو ملتو په افغانستان کښې د ناامنۍ له زیاتیدو اندیښنه وښودله

ملګرو ملتو په افغانستان کښې د حملو او وژلو له زیاتیدو اندیښنه څرګنده کړې ده.

په افغانستان کښې د ملګرو ملتو نماینده دفتر یوناما پرون په یوه خبرپاڼه کښې وویل چې د ملکي وګړو د ساتنې او په دوحه کښې د صلحې د خبرواترو لپاره د مساعدې فضا د رامینځته کولو په لړ کښې باید فوري اقدامات وشي.

دغې بیانیې د افغانستان د صلحې په بهیر کښې له دخیلو لورو غوښتي چې تاوتریخوالو او جنګ ته د پاې ټکې کیږدي او د اوربند د ټینګولو لپاره کوشش وکړي.

د ملګرو ملتو د احصائيو له مخې په افغانستان کښې په تیرو پنځو اونیو کښې شوې وژلې او تاوتریخوالي په تیرو پنځو کلونو کښې بې مخینې دي.