د افغانستان ولسمشر باید نور وزیران معرفي کړي
طلوع نیوز ټيلي ویژن راپور ورکړ د افغانستان ولسي جرګې په ولسمشر اشرف غني غږ وکړ زر د مرکزي بانک مشر او د دریو (۳) وزارتونو لپاره وړاندیزي وزیران معرفي کړي .
د افغانستان د کلیو د انکشاف او احیا کولو ، معارفو او د اطلاعاتو او د کلتور وزیران او دغه راز د مرکزي بانک مشر بریالي نشول چې له ولسي جرګې د باور رایې ترلاسه کړي .
د افغانستان د ولسي جرګې دوهم (۲) مرستیال عباس ابراهیم زاده وویل د هیواد اساسي قانون اجازه نه ورکوي چې وزارتونه دې سرپرستان ولري .
د افغانستان ولسي جرګې تراوسه د ولسمشر اشرف غني د کابینې شلو (۲۰) غړیو ته د باورې رایې ورکړي دي او څلور (۴) وړاندیزي وزیران نه دي توانیدلي چې له ولسي جرګې د باور رایې ترلاسه کړي .
دغه راز د رایو د اچولو په وخت د جنجال د رامینځته کیدا په وجه د ښځو د چارو د وزارت لپاره د معرفي شوي کاندیدې برخلیک راتلونکو ورځو ته وځنډول شو .
