د افغانستان ترینګلتیاوې لا په زیاتیدا دي
عمر زاخیلوال وئيلي دي ، د سولې لپاره د افغانستان د حکومت پلانونه ، هیواد د سولې په لور نه ،بلکې د جنګ په لور کاږي .
زمونږ خبریال د طلوع نیوز چینل له قوله راپور راکړ په پاکستان کې د افغانستان پخواني سفیر او د افغانستان دنجات غورځنګ نومې نوي جوړ شوي ګوند مشر عمر زاخیلوال ددغه غورځنګ د موجودیّت د اعلان په دستورو کې وئيلي دي ، له یوه پلوه د سولې بهیر روان دی، خو بل پلوه ځيني ډلې ټپلې وسلې ویشي او خلک په وسلو سنبالوي .
عمر زاخیلوال دې ته په اشارې سره چې نن سبا له یوې خوا د سولې بحث روان دی او بلې خوا د لابدترو شپو ورځو لپاره ډلې ټپلې صفونه جوړوي ، وئيلي دي ، د سولې لپاره د افغانستان د حکومت پلانونه ، هیواد د سولې په لور نه ،بلکې د جنګ په لور کاږي .
د افغانستان د ولسی جرګې پخواني غړي جعفر مهدوي هم په دغې ناستې کې وئيلي دي، هغه پلانونه چې د حکومت له خوا وړاندې کیږي ، او وخت په وخت د شپږمیاشتنیو انتخاباتو بحث وړاندې کوي، خو دغه پلانونه هیڅکله هم د افغانستان دملت په ګټه نه دي او خلک د قتل ګاه په لور هدایتوي . د افغانستان د معارفو پخواني وزیر فاروک وردګ هم وئیلي دي سولې ته رسیدا ، په سولې کې ژوند کول د افغانستان د نجات غورځنګ یو تر ټولو لومړنۍ اساسی موخه ده ،په همدې خاطر دې دبین الافغاني خبرواترو په بهیر کې د میرمنو غوره شتون هم اړین دی . د افغانستان راتلونکی تورتم دی ، خو دغه ګوند هیچا ته اجازت نه ورکوي څو د سولې د بهیر په وړاندې خنډونه رامینځةکړي .
