پکتیکا کښې د پولیسو یو قومندان ووژل شو

د افغانستان په سویلي ولایت پکتیکا کښې د پولیسو یو قومندان د طالبانو په حمله کښې وژل شوی دی.

د افغانستان په سویلي ولایت پکتیکا کښې د پولیسو یو قومندان د طالبانو په حمله کښې وژل شوی دی.

د پکتیکا د پولیسو ویاند شاه محمد آرین نن وویل چې د دغه ولایت د وازې خوا ولسوالۍ د پولیسو قومندان عبدالرحیم د طالبانو په وسله وال برید کښې ووژل شو.

د پولیسو دغه ویاند زیاته کړه چې قومندان عبدالرحیم په مرجان سیمه کښې د امنیتي ځواکونو پوسټې ته د پوځي تجهیزاتو د منتقلولو په وخت له حملې سره مخ شو.

له بلې خوا طالبان ادعا کوي چې په دغه برید کښې د وازې خوا ولسوالۍ د پولیسو قومندان وژل شوی او دوه تنه نور زخمي شوي دي.