د اسرائیلو پوځ په قصدي ډول زموږ ځواکونه په نښه کوي
د لبنان په سویل کې د ملګرو ملتونو د سوله ساتو ځواکونو (یونیفل) ویاند اعلان وکړ چې صهیونیسټي پوځیانو په قصدي توګه دغه ځواکونه په نښه کړل.
د ایسنا د راپور له مخې، د لبنان په سویل کې د ملګرو ملتونو د سوله ساتو ځواکونو (یونیفل) ویاند آندره ټیننټي وویل: زموږ د ځواکونو پر وړاندې د اسرائیلو د پوځ بریدونه ، د اسرائیلي چارواکو د ادعاوو په خلاف چې وايي، دا کار غیر ارادي دی، په بشپړه توګه قصدي وو؛ اسرائیلو په مکرر ډول یونیفل په نښه کړی، چې پنځه یې قصدي وو.
ټیننټي زیاته کړه: "څو میاشتې مخکې، زموږ ځواکونو په لبنان کې د اسرائیلو یوې اډې ته نږدې، د سپینو فاسفورس د احتمالي کارونې اغېزې وموندلې."
په دې وروستیو کې د صهیونیسټي رژیم لومړي وزیر بنیامین نتانیاهو د ملګرو ملتونو له سرمنشي آنتونیو ګوترش څخه وغوښتل چې د لبنان له سویل څخه د یونیفل ځواکونه وباسي.
د لبنان په سویل کې د ملګرو ملتونو د سوله ساتو ځواکونو (یونیفل) ویاند په دې وروستیو کې اعلان وکړ چې د یونیفل ځواکونه به په هېڅ ډول شرایطو کې له د لبنان له سویل څخه ونه وځي.
