ایران د لبنان مظلومو خلکوته لس زره ټنه ولسی مرستې لیږی
د ایران د اسلامی جمهوریت د سرئې میاشتې ټولنې مشر ووئيل، د ایران سرې میاشتې ټولنه به ډیر زر د لبنا ن له خلکو سره د ایران د ولس له مرستو لس زره ټنه مرستې دغه هیواد ته ولیږدوي.
زمونږخبریال راپور راکوي ، د ایران د سرې میاشتې د ټولنې مشر پير حسین کولیوند پرون ناوخته په یولړ دستورو کې په فلسطین او لبنان باندې د صهیونیستي وحشی رژيم له تیریو سره د مقاومتي چورلیز کلکې مقابلې ته په اشارې سره ووئيل، د ایران د سرې میاشتې اویا زره ځوان وګړو او ددغې ټولنې درملنې او مرستو د مختلفو څانګو متخصصانو ددغو سیمو له مظلومو خلکو سره د مرستو په خاطر د لیږلو لپاره چمتووالی ښودلی او نامې ئې لیکليۍ دي.
د ایران د سرې میاشتې دټولنې د مشر په وینا،د ایران ولس تراوسه پورې له مقاومتي جبهې سره څه دپاسه درې سوه میلیارډ تومانه نغدې مرستې د سرې میاشتې ټولنې ته رسولي دي او دغه ډالۍ به جنګ ځپلو او کډوالو ته ولیږدول شي. د ایران د سرې میاشتې د ټولنې مشر د فلسطینیو او لبنانیو جنګ ځپلو او او کډوالو اړتیاوې ، درمل، وچې شیدې او خوراکی او موسمي اړتیاوې وبللې او زیاته ئې کړه ، دایران ولس د فلسطین او لبنان کډوالو او جنګ ځپلو سره ښې مرستې کړي او ډالۍ شوي شیان به په لومړني فرصت کې جنګ ځپلو ته ډالۍ شي.
