امریکې یوځل بیا په غزه کښې د اوربند پریکړه لیک وټو کړ
امریکې د اسرائیلو له رژیمه د ملاتړ په لړ کښې د ملګرو ملتو د امنیت شورا د لسو غیردائمي غړو د پریکړه لیک هغه مسوده یوځل بیا وټو کړه چې په غزې کښې یې سمدستي او بې له قیدوشرطه د اوربند او د ټولو اسیرانو د خوشې کیدو غوښتنه یې کړې وه.
امریکې د اسرائیلو له رژیمه د ملاتړ په لړ کښې د ملګرو ملتو د امنیت شورا د لسو غیردائمي غړو د پریکړه لیک هغه مسوده یوځل بیا وټو کړه چې په غزې کښې یې سمدستي او بې له قیدوشرطه د اوربند او د ټولو اسیرانو د خوشې کیدو غوښتنه یې کړې وه.
سحاب شبکې د ایرنا خبري سایټ له قوله لیکلي دي: په هغه رایه اخیستنه کښې چې پرون د ملګرو ملتو د امنیت په شورا کښې وشوه، د دغې شورا له ۱۵ نه ۱۴ غړو یاد وړاندیزي پریکړه لیک ته مثبت راې ورکړې.
د امنیت شورا هیڅ غړي هیواد دغې مسودې ته حتی سپینه راې هم ورنه کړه خو امریکې په خپلې منفي راې سره هغه وټو کړه.
دا څلورم ځل دی چې امریکا، د اسرائیلو له رژيمه په ملاتړ کښې، په غزې کښې د اوبند د پریکړه لیک مسوده وټو کوي.
د امریکې او ځینو اروپايي هیوادونو په ملاتړ او ملګرتیا سره په غزې باندې د صهیونیسټي رژیم په بریدونو کښې تراوسه نزدې ۴۴ زره کسان فلسطینیان شهیدان شوي او له ۹۴ زرو زیات نور هم زخمي شوي دي.
