اسلامي ایران له سوریې څخه خپل پوځي سلاکاران نه دي ایستلي
زمونږ خبریال راپور راکړی د ایران د ملي امنیت کمیسیون یوه غړي وویل چې ایران له سوریې څخه خپل پوځي سلاکاران نه دي ایستلي.
د ایران د پارلمان د ملي امنیت د کمیسیون غړي« رضا زاده» د سوریې د بدلونونو په هکله وویل: هغه خبرونه چې له سوریې څخه مونږ ته رارسیږي له بده مرغه ښه خبرونه نه دي او یو څه اندیښمنونکي دي.
هغه وویل وړمه شپه د ایران د اسلامي انقلاب د ستر لارښود سلاکار علي لاریجاني په دمشق کښې د سوریې له ولسمشر بشار اسد سره کتنه کړي وه.
رضا زاده په دوام کښې په دې خبرې سره چې د سوریې د کړکیچ په هکله د روسیې له حکومت سره یوشمیر خبرې شوي دي او دغه راز یوشمیر اقدامات د ترسره کیدا په حال کښې دي وویل مونږ هیڅکله په دمشق کښې د ایران له سفارت څخه خپل پوځي سلاکاران نه دي ایستلي او مونږ هماغه راز په سوریې او دمشق کښې شتون لرو.
د ایران د پارلمان د ملي امنیت د کمیسیون غړي رضا زاده له سوریې څخه د ولسمشر بشار اسد او د هغه د کورنۍ د وتلو په هکله د یوه خبریال پوښتنې ته په ځواب کښې اعتراف وکړ دغه موضوع رښتیا نه ده او وړمه ورځ د اسلامي انقلاب ستر لارښود سلاکار علي لاریجاني په دمشق کښې د سوریې له ولسمشر بشار اسد سره کتنه کړي وه.
