د امریکا نوی ولسمشر ټرامپ د اروپا د ویشلو کوشش کوي
ایسنا خبري اژانس راپور راکړی د جرمني د صدراعظم مرستیال «رابرټ هایک» د امریکا نوی ولسمشر ټرامپ د اروپا د ویشلو لپاره په هڅې تورن کړ.
هغه وویل د امریکا نوي ولسمشر ډونالډ ټرامپ د خپلې ولسمشرۍ په پخواني پړاو کښې هڅه وکړه له بیلا بیلو هیوادونو سره د معاملاتو د ترسره کولو لپاره د اروپا وحدت له مینځه یوسي او دغه هڅې به بیا تکرار کړي.
مخکې د جرمني صدراعظم اولف شولټز هم د امریکا د منتخب ولسمشر ډونالډ ټرامپ جنجالي څرګندونو ته په غبرګون کښې چې د ګرینلینډ جزیرې د نیولو لپاره یې د پوځي قدرت د استعمالولو خبره کړي وه د سرحدونو د بدولو په هکله خبرداری ورکړ.
د امریکا د منتخب ولسمشر ټرامپ د سلاکار ایلان مسک په لسمونکو څرګندونو سره د جرمنې او د امریکا اړیکې خړې پړې شوي دي.
په ټولو اروپايي هیوادونو کښې د ټرامپ د نویو څرګندونو او اقداماتو په هکله زیاتې اندیښنې رامینځته شوي دي.
