صهیونیسټي رژیم د سوریې او لبنان په سرحدي سیمو برید کړی دی
خبري سرچینو د لبنان په پوله کښې د سوریې د خاورې په ځینو سیمو باندې د صهیونیسټي رژیم د جنګي الوتکو د حملې خبر ورکړی دی.
د مقاومت رسندوي شبکې د لبناني سرچینو په حواله ویلي دي: د صهیونیسټي رژیم د پوځ جنګي الوتکو د الهرمل ښار مخې ته د لبنان سرحد ته څیرمه د سوریې د خاورې ځینې په ځینو سیمو بمباري کړې ده.
په دې لړ کښې سپوټنیک خبري آژانس په سوریې کښې د خپلو سرچینو له قوله لیکلي دي: د چاودنو هغه غږونه چې د سوریې د پلازمینې دمشق په شمال لویدیځ کښې اوریدل شوي، له لبنان سره په سرحدي سیمو د اسرائیلو د هوايي بریدونو وو.
په تحریر الشام پورې اړونده د سوریې ټیلیویژني چینل هم خبر ورکړی چې د اسرائیلو د نیواکګر رژیم پوځ، د سیمې په یوې ډیرې مهمې پوځي سیمې یعنې قنیطره د اطرافو په کودنه ښارګي کښې د «تل احمر» واک په لاس کښې واخیسته.
د صهیونیسټي رژیم پوځ د بشارالاسد د حکومت له نسکوریدو وروسته د سوریې په پوځي مرکزونو او بیخ بناو خپلو بریدونو ته زور ورکړی دی، او په دې موده کښې په بمباریو بوخت دی.
