د امریکا پنځوس فیصده خلک د هیواد سیاسي نظام نیمګړتیا لرونکی ګڼي
شفقنا خبري اژانس راپور راکړی د نیویارک ټایمز ورځپاڼې او د ایپسوس موسسې د نظر پوښتنې پراساس د امریکا پنځوس فیصده خلک د خپل هیواد سیاسي نظام نیمګړتیا لرونکی ګڼي.
دغه نظر پوښتنه چې د روان میلادي کال د جنورۍ د میاشتې له دوهمې نیټې څخه تر لسمې نیټې پورې له دوه زره یوسل اتویشتو کسانو څخه شوي ده ښودنه کوي چې د نوي ولسمشر ډونالډ ټرامپ څو لومړیتونونه لکه د غیر قانوني مهاجرینو کمول، د چین د جوړو شیانو او له چین د وارددونکو شیانو پرضد د ملاتړو اقداماتو اجرا له ډیر ملاتړ څخه برخور دي.
د امریکا اوه اتیا فیصده خلکو چې په دغه نظر پوښتنې کښې یې ګډون کړی دی د نوي ولسمشر ټرامپ د انتخاباتو د مبارزو د یوه اصلي چورلیز په توګه د جنايي مخینه لرونکو غیر قانوني کډوالو د ایستلو ملاتړ کوي.
دغه نظر سنجې وايي د امریکا څه د پاسه نیمايي خلک په ککله یا تر یوه حده له هیواده د ټولو غیر قانوني کډوالو د ایستلو ملاتړ کوي.
د څلور پنځوس فیصده لاتیني توکمه خلکو او د څلور څلویښت فیصده ډیموکراټانو په شمول کابو دریمه برخه خلک هم د غیر قانوني کډوالو د ایستلو پلویان دي کوم چې د جوبایډن د څلور کلنۍ ولسمشرۍ په وخت کښې امریکا ته ورغلي دي.
د جوبایډن حکومت د مهاجرت څو محدودیتونه چې ډونالډ ټرامپ د خپلې ولسمشرۍ په لومړي پړاو کښې لګولي وو ختم کړل او د غیر قانوني مهاجرت له زیاتیدا سره یې مرسته وکړه.
د امریکا د نیویارک ټایمز ورځپاڼې او د ایپسوس موسسې د ګډې نظر سنجې پراساس د امریکا څه د پاسه نیمايي خلک د امریکا ټول سیاسي نظام دړې وړې ګڼي.