د ایران د اسلامي جمهوریت مسائیل په خبرو اترو پورې اړونده نکړو
ایرنا خبري اژانس راپور راکړی د ایران د اسلامي انقلاب ستر لارښود حضرت ایت الله العظمی سید علي خامنه اي په دې خبرې سره چې د عمان خبرې اترې د خارجه وزارت له لسګونو کارونو څخه یو کار دی وویل : د هیواد مسائیلو ته له خبرو اترو سره پیوند ورنکړو.
د ایران د حکومت یوشمیر غړیو ، د اسلامي شورا استازیو ، د قضايي قوې لوړرتبه چارواکو او د ځینو ارګانونو چارواکو نن غرمه د نوي کال د پیلیدا په مناسبت د اسلامي انقلاب له ستر لارښود حضرت ایت الله العظمی سید علي خامنه اي سره کتنه وکړه.
د اسلامي انقلاب د ستر لارښود د وینا ترټولو مهم چورلیزونه په لاندې ډول دي:
د عمان خبرې اترې د ایران د خارجه وزارت له لسګونو کارونو څخه یو کار دی د هیواد مسائیل له خبرو اترو سره اړونده نکړو.
د عمان خبرو اترو ته نه په افراطي ډول خوشبینه یوو او نه په افراطي ډول بدبینه.
د عمان خبرې اترې بالاخره داسې کار او حرکت دی چې فیصله ورباندې شوي او په لومړیو قدمونو کښې هم په ښه ډول اجرا شوی دی.
البته د مقابل لوري په هکله ډیر بدبینه یوو خو په خپلو وسونو باندې خوشبینه.
هغه غلطۍ چې اټومي تړون کښې مو کړي وه باید دلته تکرار نشي.
د نړیوال اټومي تړون په وخت مو هیواد شرطي کړ او هر څه مو د خبرو اترو له پرمختګ سره اړونده کړل.
پانګوال چې کله ویني چې هیواد په خبرو اترو پورې اړونده دی نو پانګونه نه کوي.
د ایران د اسلامي انقلاب د ستر لارښود مفصله وینا به وروسته درته خپره شي.
