د امریکا بهرنۍ مرستې نړیوال انساني کړکیچونه زیاتوي
ایرنا خبري اژانس راپور راکړی د ملګروملتونو د روغتیا ادارې یوې چارواکي پرون خبرداری ورکړی د امریکا لخوا د بهرنیو مرستو کمول کولای شي په ټوله دنیا کښې په سختو انساني کړکیچونو باندې دباونه زیات کړي.
د ملګروملتونو د روغتیا د نړیوالې ادارې ډبلیو ایچ او(WHO) د ختیځې مدیترانې سیمې مدیرې «حنان بلخي» فرانسې خبري اژانس ته وویل د طبي ډلو ، د درملو د برابرولو او د درملنې او د روغتیا د مرکزونو د نوي کولو ملاتړ کول ټول نیغ په نیغه د امریکا د ملاتړونو د بندیدا تر اغیز لاندې ورغلي دي.
د امریکا ولسمشر ټرامپ د روان میلادي کال په جنورۍ میاشت کښې واک ته له رسیدا وروسته عملا خارجي مالي مرستې بندې کړي دي او د امریکا د نړیوالې پراختیا اژانس یعني یو ایس ایډ (USAID)اژانس او د نورو پروګرامونو له مینځه وړل یې اعلان کړي دي.
ټرامپ دغه راز د ملګروملتونو د روغتیا له نړیوال اژانس ډبلیو ایچ او څخه د وتلو پروګرام هم اعلان کړی دی.
د روغتیا د نړیوالې ادارې د ختیځې مدیترانې مدیرې حنان بلخي په غزې ، سوډان او یمن کښې روانې جګړې د داسې سیمو په توګه یاد کړې چې د درملنې او د روغتیا موسسې او د مرستو رسولو پروګرامونه هلته له دغو بدلونونو مخکې د بودجې په تامینولو کښې تر دباو لاندې وو.
