د غزې د شهیدانو شمېر ۵۱ زره او ۴۳۹ ته لوړ شو
پارس ټوډې - د غزې د روغتیا وزارت اعلان کړی چې د ۲۰۲۳ کال د اکتوبر له ۷مې راهیسې پر غزې د صهیونیستي رژیم د یرغل له امله د شهیدانو شمېر ۵۱ زره ۴۳۹ تنو ته او د ټپیانو شمېر ۱۱۷ زره ۴۱۶ تنو ته لوړ شوی دی.
د غزې د روغتیا وزارت اعلان وکړ چې په تېرو ۲۴ ساعتونو کې له خاورو څخه د شپږو کسانو د جنازو د ایستلو په ګډون د ۸۴ شهیدانو جسدونه او همدارنګه ۱۶۸ ټپیان د غزې په مختلفو سیمو کې روغتونونو ته لیږدول شوي دي.
د دې وزارت د راپور له مخې او د نویو احصایو په ګډون، د ۲۰۲۳ کال د اکتوبر له ۷مې راهیسې په غزه کې د صهیونیسټي رژیم د یرغل له امله د شهیدانو شمېر ۵۱ زره او ۴۳۹ کسانو ته او د ټپیانو شمېر ۱۱۷ زره او ۴۱۶ کسانو ته لوړ شوی دی.
د غزې د روغتیا وزارت چارواکو ټینګار کړی چې د ډېری شهیدانو جسدونه لاهم د کنډوالو او خاورو لاندې او یا پر سړکونو باندې پراته دي او د عامه ځواکونو او ملکي وګړو لپاره دا ممکنه نه ده چې دوی ته لاسرسی ولري.
