کاناډا کښې لکونو خلکو په انتخاباتو کښې خپلې رایې واچولې
زمونږ خبریال راپور راکړی په کاناډا هیواد کښې به د لیبرل ګوند حکومت دوام ولري یا کنزرویټو ګوند به د لومړي وزارت څوکۍ وګټي دا خبره به د رایو ورکونکو لخوا وټاکل شي.
په کاناډا کښې د نوي لومړي وزیر د ټاکلو لپاره انتخابات شوي او خلکو خپلې رایې اچولي او دغه راز د ټولو سیاسي ګوندونو مشرانو هم خپلې رایې صندوقونو ته اچولي دي.
په کاناډا کښې د لومړي وزارت لپاره د لیبرل ګوند د مشر مارک کارني او د هغه د سیال پیر پولیور (pierre poilievre)ترمنیځ سخته سیالۍ روانه ده او نظر سنجې وايي چې د لیبرل ګوند د مشر مارک کارني د بریالیتوب امکان زیات دی.
د کاناډا په لکونو خلکو د رایو په صندوقو کښې راېې واچولې او درې میلیونه خلکو له مخکې څخه خپلې رایې اچولي او رایې ورکونکي د پارلمان استازي ټاکي.
د کاناډا په درې سوه درې څلویښت کسیز پارلمان کښې د لومړي وزارت د څوکۍ د ګټلو لپاره د دوه سوه دوه څلویښتو څوکیو د ګټلو ضرورت شته.
