د فلسطینیانو پرضد د سرزور ښارګي میشتو جنایتونه جنګي جنایت دی
ایرنا خبري اژانس راپور راکړی د صهیونیسټ رژیم پخواني لومړي وزیر ایهود اولمرت په یوې بې مخینې وینا کښې په سرزورو ښارګي میشته ډلو باندې سختې نیوکې سره وویل چې د غونډیو د ځوانانو اقدامات جنګي جنایت دی.
ایهود اولمرت د اسرائیلو له دیارلسم ټيلي ويژن سره په مرکه کښې ډاګینه کړه د غونډیو ځوانان هره ورځ په لویدیځه غاړه کښې فلسطینیان وژني او هغوې جنګي جنایتونه ترسره کوي.
هغه دغه راز د رسمي روایت په ردولو سره چې دغه ډلې په اقلیت کښې دي وویل دغه ادعا چې دوې اقلیت دي دروغ ده هغوې تړون لري په بله بڼه کښې یې د دغو اقداماتو د ترسره کولو توان نه درلود.
د غونډیو د ځوانانو ټکی د صهیونیسټ رژیم هغو سرزورو ځوانانو او زلمیو ته کارول کیږي کوم چې معمولا د لویدیځې غاړې په لیرو پرتو سیمو کښې او په غونډیو باندې کورونه جوړوي یا خیمې لګوي چې وروسته په غیر قانوني ښارګیو باندې بدلیږي.
