د امریکا ځانګړی استازي اسټیو ویټکاف روسیې ته رسیدلی
زمونږ خبریال راپور راکړی د امریکا د ولسمشر ځانګړی استازی اسټیو ویټکاف ماسکو ته رسیدلی او د روسیې د پانګونې یوه استازي «کیریل دیمتیروف» د هغه هرکلی وکړ.
اسټیو ویټکاف په ماسکو کښې د روسیې له مشرانو سره کتنې وکړې.
بلې خوا ته د کریملین ماڼۍ ماسکو ته د امریکا د ځانګړي استازي اسټیو ویټکاف د ورتلو په وخت وویل له هغه سره د روسیې د ولسمشر ولادیمیر پوتین د کتلو امکان شته او د امریکا ځاانګړي استازي ویټکاف اوس د روسیې له ولسمشر ولایدیمیر پوتین سره کتنه او خبرې کړي دي.
د ویلو ده چې د امریکا ولسمشر ډونالډ ټرامپ خبرداری ورکړی که چیرې روسیه تر راتلونکي جمعې ورځې پورې په اوکراین کښې د جنګ د ختمولو لپاره موافقه ونکړي نو واشنګټن به د ماسکو پرضد نوي بندیزونه ولګوي او د هندوستان او د چین او د نورو هیوادونو په شمول له روسیې د تیلو په اخیستونکو هیوادونو به نورې تعرفې او مالیات هم ولګوي.
