اروپايي ټولنې پر روسیې بندیزونه تمدید کړل
پارس ټوډې - د اروپای ټولنې شورا د روسیې پر ضد تحریمونه د شپږو نورو میاشتو لپاره تمدید کړل.
د اروپای ټولنې شورا په یوه اعلامیه کې اعلان وکړ چې دا ټولنه د روسیې پر ضد محدودوونکي اقدامات د شپږو نورو میاشتو لپاره، یعنې د ۲۰۲۶ کال د مارچ تر ۱۵ مې پورې تمدید کړي دي.
د روسیې پر ضد تحریمونو کې له څه باندې ۲۵۰۰ کسان او ادارې شاملې دي.
په ورته وخت کې، اروپایي ټولنې اعلان کړه چې د روسیې پورې اړوند تحریمونه د یو فرد پر ضد چې نوم یې روښانه شوی نه دی، لغوه کړي دي.
بلومبرګ ادعا کړې چې مسکو د متحده ایالاتو او اروپا له خوا فلج کوونکي تحریمونو لاندې دی، خو توانېدلی چې د چین او درېیمو هېوادونو له لارې د تحریم شوي توکو چمتو کولو او د نفت او ګاز د خپلو پیرودونکو موندلو له لارې لکه هند او نورو هېوادونو کې، تحریمونه بې اغېزې کړي.
بلومبرګ مخکې راپور ورکړی وو چې د روسیې د نفت پیرودونکو پر سر نورې مالیې وضع کولو سربېره، متحده ایالات د مسکو د پټې نفتي ټانکرونو نښې، د روسیې د انرژۍ کمپنیو روس نفت او لوک اویل تحریمونه څېړي.
