د افغانستان ډیرې ورستندیونکي کډوال په ښارونو کې مېشتېږي

زمونږ خبریال راپور راکړی د ملګرو ملتونو د بشري استوګنې پروګرام وايي چې افغانستان ته ډېری ورستنېدونکي کډوال په ښارونو کې مېشتېږي.

دغه پروګرام نن «د استوګنې د نړیوالې ورځې» په مناسبت پر خپله اېکس پاڼه لیکلي چې دا کار د ښار مېشتېدنې د ودې لامل کېږي.

د دغه پروګرام په وینا، په ښارونو کې د ورستانه شوو کډوالو مېشتېدل پر کمزورو خدمتونو ډېر دباو راولي.

دغه پروګرام همدا راز زیاته کړې: «د استوګنې په نړیواله ورځ له خپلو شریکانو غواړو چې پر حیاتي بیخ بناوو او بنسټیزو خدمتونو کې پانګونه وکړي څو د افغانستان ښارونه وکړای شي له شرایطو سره سمون ومومي او پرمختګ وکړي.»

دعه پروګرام تر دې وړاندې ویلي وو چې کابل ښار د افغانستان د څه باندې ۴۰ سلنه ښاري برخې کوربه دی.