نیویارک ټایمز د امریکا د ملي امنیت لپاره جدي ګواښ دی
پارسټودي – د امریکا ولسمشر په تندو څرګندونو کې د نیویارک ټایمز ورځپاڼه د ولس اصلي دښمنه وبلله او وې ویل چې دا ورځپاڼه د امریکا د ملي امنیت لپاره یو جدي ګواښ دی.
د امریکا کرغیړن ولسمشر ډونالډ ټرمپ ، نیویارک ټایمز خپرونه یوځل بیا په دروغو خپرولو او هدفمند تحریف تورنه کړه او وې ویل چې د دې ورځپاڼې کیڼ پال او بېکنټروله چلند باید ودرول شي.
دا څرګندونې په داسې حال کې کېږي چې تر دې وړاندې د امریکا یوې محکمې د ټرمپ هغه ۱۵ میلیارده ډالري دعوه رد کړې وه چې د نیویارک ټایمز پر ضد یې کړې وه.
یاده دعوه د هغو راپورونو له خپرېدو وروسته شوې وه چې د جنسي جرمونو په تور د محکوم پانګهوال «جفري اپستین» سره د ټرمپ د اړیکو په اړه خپاره شوي وو.
د ټرمپ د حقوقي ټیم ویاند ټینګار کړی چې د امریکا ولسمشر به د دې ورځپاڼې پر ضد خپل قانوني تعقیب ته دوام ورکړي.
له دې مخکې هم ټرمپ د خپلو کرغیړنو کړچارونو د پټوَلو په خاطر په رسنیو کرتو نیوکې کړي او د هغه او د امریکائي ولس دښمنان ئې بللی دي.
