د سل میلیارده ډالرو مالکه د نړۍ لومړۍ میرمن
په نړۍ کې د لومړي ځل لپاره یوه ښځه د ۱۰۰ میلیارد ډالرو څخه د زیاتې شتمنۍ خاونده شوه.
د بلومبرګ د راپور له مخې، د فرانسې د فرانکوئس بیټن کورټ میئرس شتمنۍ له ۱۰۰ میلیاردو ډالرو څخه زیاته شوې او له همدې امله هغه لومړنۍ میرمن ده چې د یادې کچې شتمنۍ خاونده ده.
فرانکوئس بیټن کورټ چې په نړۍ کې د یو خورا مشهور میک اپ برانډ شرکت مالکه ده، د نړۍ په کچه دولسم نمبره شتمن ده، خو تازه یې شتمني له سل میلیارده ډالرو څخه زیاته شوې او د شتمنو میرمنو په لیست کې لومړۍ مقام خپل کړ.
د هغه د شرکت ونډو ارزښت د 2023 په جریان کې 35٪ سلنه ډیریدلو څخه معلومیږي چې د کوویډ - 19 وبا وروسته یو خل بیا خلکو په آرایشي محصولاتو د پیسو مصرف پیل کړی.
دغه اویا کلنه فرانکوئس بیټن کورټ د مور او پلار څخه یواځینی اولاد دی چې د لورال ګروپ په نوم شرکت یې هم د پلار له لورې تاسیس شوی وو، چې په ۲۰۱۷م کال کې د مور له مړینې وروسته هغې د شرکت ۳۳ سلنه ونډه او نوره شتمني هم تر لاسه کړه.
اوس هغه د نړۍ د سترو کاسمیټیک شرکت مرستیاله ده.
د سوداګرۍ سربیره ، فرانکواس بیټن کورټ مایرز هم له لیکلو خوند اخلي او په بیلابیلو موضوعاتو یې ډیری کتابونه لیکلي دي.
هغې په 1984 کې واده کړی او دوه زامن لري.
