پرلپسې د ۱۲۶ ساعتونو سندرو ویلو نړیوال ریکارډ
په ګهانا Ghanna هېواد کې د افیوا اسینتیوا په نوم یوې میرمنې په پرلپسې ډول ۱۲۶ ساعته او دوه پنځوس دقیقو سندرو ویلو سره نړیوال ریکارډ جوړ او نوم یې د ګینیز ورلډ په ریکارډ کې ثبت شو.
میرمن ایفوا اسینتیوا ته له کریسمیس یوه ورځ وروسته د ۱۲۵ سندرو فهرست ورکړل شو چې هغه دغه ټولې سندرې په پنځه ورځو کې په پرلپسې ډول وویلې.
د ګینیز بک اف ورلډ ریکارډ د کتاب د قوانینو پراساس ایفوا ایسنتیوا ته هر یو ساعت وروسته پینځه دقیقې او له هرو څلورو ساعتونو وروسته د شلو دقیقو پورې د دمه کولو اجازه وه.
دغه راز د سندرې د ویلو یا د دوو سندرو د ویلو په وخت هغې یوازې تر نیمې دقیقې پورې دمه کولای شوه.
تر دې وړاندې په پرلپسې د زیاتو سندرو ریکارډ د هندي سنیل واګهماري سره وو.
هغه په ۲۰۱۲م کال کې په پرلپسې ډول ۱۰۵ ساعتونه سندرې ویلې وې چې د یادې میرمنې لخوا یې اوس ریکارډ مات شو.
دغه میرمنې د خپل کوشش ثبوت ګینیز بک اف ورلډ ریکارډ ته ورکړی دی چې له تائید وروسته به اداره د ریکارډ اعلان وکړي.
