ایران په افغانستان کښې په میلیارډونو ډالره پانګونه کوي
مهر خبري اژانس راپور ورکړی د افغانستان په چارو کښې د ایران د لارو او د ښارونو د جوړونې د وزیر سلاکار سید حسین میر شفیع په افغانستان کښې د ایران د پینځه اعشاریه درې میلیارډه ډالره د پانګونې لپاره د لومړیو موافقو خبر ورکړ .
هغه د فني او د انجنیري خدماتو د صادرولو او په افغانستان کښې د ټرانسپورټ د بیخ بنایي پروژو د اجرا په زمینه کښې د پینځه اعشاریه درې میلیارډه ډالره پانګونې لپاره د ایران او د افغانستان د دواړو هیوادونو د خبرواترو د ترسره کولو خبر ورکړ .
د افغانستان په چارو کښې د ایران د لارو او د ښارونو د جوړولو د وزیر سلاکار سید حسین میر شفیع وویل حاضردمه غږملتیاوې ترسره شوي دي چې ایران د افغانستان د ټرانسپورټ په بیخ بنايي او ابادونې د پروژو او د فني او د خدماتو د صادرولو په زمینه کښې پینځه اعشاریه درې میلیارډه ډالره پانګونه وکړي .
هغه د کورونو د جوړولو د کار پراخول ، د هرات او د مزارشریف د اورګاډي د لارې بشپړول او د افغانستان د لارو د ټرانسپورټ پراخول په افغانستان کښې د ایران د پانګونې تر ټولو مهم موردونه وبلل او ویې ویل هیله من یم د ناامنیو په کمیدا او له افغانستان څخه د امریکا د عسکرو په وتلو سره د دواړو هیوادونو د اړیکو او د افغانستان لپاره روښانه افقونه برابر شي .
