په پاکستان کښې د ايران او چين سفيرانو د افغانستان حالات وڅېړل
په پاکستان کښې د ايران او چين سفيرانو کتنه او د افغانستان د حالاتو په شمول د دوو اړخيزو ملګرتياو او سيمه ايزو تعلقاتو په باره کښې خبرې اترې وکړې.
د اېرنا د رپوټ له مخې په پاکستان کښې د ايران سفير سيد محمد علي حسيني په اسلام آباد کښې د چين له سفير نانګ رونګ سره له کتنې وروسته په يو ټوئيټ کښې وليکل: په دغه کتنه کښې د ايران د اسلامي جمهوريت ، چين او پاکستان د دوو اړخيزو او درې اړخيزو ملګرتياو، د سي پېک پروژې اړوند وروستيو بدلونونو په باره کښې د نظر تبادله اوشوه.
حسيني زياته کړه، د افغانستان د صلحې بهير او په دغه هېواد کښې د صلحې او قرارۍ له رامنځته کېدو سره د مرستې لپاره د ګاونډيانو د کردار ادا کولو په لازموالي تاکيد اوشو.
پاکستان تېره مياشت د طالب ډلې په شمول د افغاني ډلو په شتون سره د تهران د صلحې د غونډې له جوړېدو او د صلحې د بهير د پرمختګ لپاره يې د ايران د اسلامي جمهوريت د کردار هرکلے وکړ.
