«په افغانستان کښې ترهه ګري او د بشري حقوقو مشکلات» نړيوال کانفرنس
«په افغانستان کښې ترهه ګري او د بشري حقوقو مشکلات» نومې نړيوال کانفرنس په قم کښې جوړيږي.
د مهر خبري آژانس د رپوټ له مخې دغه آنلائن نړيوال کانفرنس سبا د ايران د اسلامي جمهوريت په قم مقدس ښار کښې د ملتونو عدالت نومې نړيوال انجمن او د مهر خبري آژانس په ملګرتيا سره جوړيږي.
د کوثرکلتوري فاونډېشن مشر سيد جواد موسوي شېخ ميراني، د افغانستان د حج او اوقافو د وزارت د لوړ رتبه صلاحکار محراب علي دانش، د مشهد مقدس ښار د علميه حوزې مدرس آيت ا... سيد محمود هاشمي ارزګاني، د افغانستان د حکومت د ډېپلومېټانو د انجمن مرستيال سيد محمد عالمي او د اسلامي شورا د جرګې د ملي امنيت او سياست د کمېشن غړے فدا حسېن مالکي به په دغه غونډه کښې وېناګانې کوي.
د بهرنيو فوځيانو شتون او کارکردګي او د افغانستان له وروستيو پېښو سره يې تعلق، په افغانستان کښې د نړيوالو ادارو کارکردګي، د طالب ډلې تفکر او کردار، د افغانستان د حالاتو په اړه د حوزوي او پوهنتوني ادارو دندې او د افغانستان د حالاتو په وړاندې د ايران د حکومت دنده او دريځ د دغې نړيوالې غونډې ځينې موضوعاګانې دي.
